Машҳур собиқ ҳужумчи Златан Ибраҳимович ЖЧ-2026 нинг 1/8 финали доирасида бўлиб ўтган Парагвай ва Франция терма жамоалари ўртасидаги яқиндаги учрашув ҳақида ўз фикрлари билан ўртоқлашди.

Парагвайликлар майдондаги қўпол ўйинлари ва рақибларни провокация қилишга (издан чиқаришга) уринишлари билан футбол жамоатчилигининг ғазабини қўзитишди, бироқ бош ҳакам уларга бирорта ҳам сариқ карточка кўрсатмади, қизил карточка ҳақида-ку гапирмаса ҳам бўлади.

«Агар бу учрашувда мен иштирок этганимда, менга тўрт ёки бешта қизил карточка кўрсатишган бўларди. Мени провокация қилишларини ёқтирмайман, чунки мен ҳақиқий футбол ўйнашни хоҳлайман. Аммо французлар совуққонлик намойиш этишди, хотиржамликни сақлаб қолиб, табассум билан жавоб қайтаришди. Бу энг яхши жавоб — шунчаки табассум қилиш ва бундай ўйинларга аралашмасликдир», — дея Ибраҳимовичнинг FOX Sports телеканалидаги фикрларини келтиради матбуот.

Эслатиб ўтамиз, Франция терма жамоаси учрашувнинг 70-дақиқасида Килиан Мбаппе томонидан пенальтидан киритилган гол эвазига минимал ҳисобда ғалаба қозонди.