Миср терма жамоасининг юлдуз форварди Муҳаммад Салоҳ Жаҳон чемпионати — 2026 плей-офф босқичининг илк раундида Австралия устидан қозонилган ғалабали ўйиндан сўнг ўз фикрларини билдирди.
Учрашувнинг асосий ва қўшимча вақтлари 1:1 ҳисобидаги дуранг билан якунланди, пенальтилар сериясида эса африкаликлар аниқроқ ҳаракат қилишди — 4:2.
«Мен ақл бовар қилмас туйғуларни ҳис қилдим. Миср терма жамоаси либосида майдонга тушганимда жуда ҳам фахрланаман. Бу ҳаётимдаги энг яхши кунлардан бири бўлди. Оғриққа қарамай, бор кучимни бериб ўйнадим. Кўрсатган ўйинимиздан фахрланаман. Энди эса ушбу ёқимли лаҳзалардан завқ олишимиз керак», — дея ҳужумчининг сўзларини Халқаро футбол федерацияси (ФИФА) матбуот хизмати келтирмоқда.
Жаҳон чемпионатининг 1/8 финали доирасида Миср терма жамоаси Аргентинага қарши баҳс олиб боради.
