Англия терма жамоаси устози Томас Тухель Жаҳон чемпионати — 2026 нинг 1/8 финали доирасида Мексика миллий терма жамоасига қарши бўлиб ўтадиган учрашув олдидан ўз фикрларини билдирди.
«Биз трибуналар томонидан бўладиган босимга тайёрмиз. «Ацтека» каби стадионларда ишқибозлар ўз футболчиларига қўшимча ишонч бағишлаш имкониятига эга бўлишади. Дунёда бундай ареналар у қадар кўп эмас. Ўйлайманки, мухлислар ўз жамоасига ёрдам бериш учун бор имкониятларини ишга соладилар», — дея немис мутахассисининг сўзларини Lequipe нашри келтирмоқда.
Мексика ва Англия терма жамоалари ўртасидаги учрашув эртага, 6 июль куни Мехико шаҳрида бўлиб ўтади. Бош ҳакамнинг старт ҳуштаги Тошкент вақти билан тонгги соат 05:00 да янграйди.
