Франция футбол федерацияси (FFF) президенти Филипп Диалло Парагвай терма жамоаси собиқ голкипери Хосе Луис Чилавертнинг Франция миллий терма жамоаси шаънига айтган сўзларини кескин танқид қилди.
Жамоалар ўртасидаги 1/8 финал учрашуви олдидан Чилаверт парагвайликлар «Африка терма жамоаси»га қарши майдонга тушишини айтиб, французлар таркибидаги аксарият футболчиларнинг келиб чиқишига шама қилган эди.
«Мен Чилавертнинг Франция терма жамоасига қаратилган ирқчилик характеридаги баёнотларини энг қатъий тарзда қоралайман», — дея Диаллонинг сўзларини келтиради FFF матбуот хизмати.
У ўз сўзига қўшимча қилиб, Чилаверт ўз вақтида буюк дарвозабон бўлганлигини, бироқ йиллар ўтиб ўз обрўси ва репутациясини йўқотганини айтиб ўтди. Эслатиб ўтамиз, учрашув французларнинг 1:0 ҳисобидаги ғалабаси билан якунланди ва улар чорак финалга йўл олишди.
