Франция терма жамоаси ҳужумчиси Килиан Мбаппе Жаҳон чемпионатининг 1/4 финали доирасидаги Марокашга қарши бўлажак ўйин ҳақидаги саволга жавоб берди.

Французлар 1/8 финал босқичида Мбаппенинг пенальтидан урган голи эвазига Парагвайни минимал (1:0) ҳисобда мағлуб этишди. Аввалроқ марокашликлар Канада устидан 3:0 ҳисобида йирик ғалабага эришган эдилар.

«Ўйлайманки, Ҳакимий менга ёзиб бўлган. Марокаш — жуда кучли жамоа, биз бор эътиборимизни қаратишимиз керак. Уларга қарши ўйнаш ёқимли бўлади», — деди Мадриднинг «Реал» клуби форварди ўйиндан кейинги интервьюсида.

Учрашув 9 июль куни бўлиб ўтади. Ўтган мундиалда Франция ва Марокаш терма жамоалари ярим финалда тўқнаш келишган — ўшанда «уч ранглилар» 2:0 ҳисобида ғалаба қозонишган эди.