«Интер» ижтимоий тармоқларда Мадриднинг «Реал» клубига ўтган ўнг қанот ҳимоячиси Дензел Дюмфрисга мурожаат қилди.
«Ҳаммаси учун раҳмат, Дензел. Биргаликда ғалаба қозониш ажойиб эди. «Интер» доим сенинг уйинг бўлиб қолади», — дейилади Милан клуби хабарида.
Дюмфрис 2021 йилнинг ёзидан буён «Интер»да ўйнаб келаётган эди. Ушбу давр ичида ҳимоячи барча турнирларда 207 та учрашувда майдонга тушиб, 27 та гол ва 28 та голли узатмани ўз ҳисобига ёздириб қўйди.
«Нерадзурри» таркибида Дюмфрис икки бор Италия чемпиони бўлди ва уч марта мамлакат Кубогини қўлга киритди. Transfermarkt порталида берилган маълумотларга кўра, футболчининг бозор қиймати 25 миллион еврони ташкил этади.
