«Inter» ijtimoiy tarmoqlarda Madridning «Real» klubiga o‘tgan o‘ng qanot himoyachisi Denzel Dyumfrisga murojaat qildi.

«Hammasi uchun rahmat, Denzel. Birgalikda g‘alaba qozonish ajoyib edi. «Inter» doim sening uying bo‘lib qoladi», — deyiladi Milan klubi xabarida.

Dyumfris 2021 yilning yozidan buyon «Inter»da o‘ynab kelayotgan edi. Ushbu davr ichida himoyachi barcha turnirlarda 207 ta uchrashuvda maydonga tushib, 27 ta gol va 28 ta golli uzatmani o‘z hisobiga yozdirib qo‘ydi.

«Neradzurri» tarkibida Dyumfris ikki bor Italiya chempioni bo‘ldi va uch marta mamlakat Kubogini qo‘lga kiritdi. Transfermarkt portalida berilgan ma’lumotlarga ko‘ra, futbolchining bozor qiymati 25 million yevroni tashkil etadi.