«Бавария» «Ювентус» ҳимоячиси Бремер учун 30 миллион евро таклиф қилди, бироқ «бьянконери» Бразилия терма жамоасининг 29 ёшли ўйинчисини 40 миллионга баҳоламоқда.

Бремер жамоадан кетиш вариантини кўриб чиқмоқда, чунки у совринлар учун курашишни истайди ва Турин клубидаги қайта қуришлар тезкор муваффақиятни кафолатламаслигини тушуниб турибди.

Бразилиялик футболчининг шартномасида 58 миллион евро миқдорида товон пули ҳақидаги банд мавжуд бўлиб, у 10 августга қадар амал қилади, бироқ «Ювентус» раҳбарияти кимдир бунча сумма тўлашига ишонмаяпти.

А Сериянинг ўтган мавсумида Бремер 26 та учрашув ўтказиб, 4 та гол урди, 3 та голли узатмани амалга оширди ва 5 та сариқ карточка олди. Айни пайтда у Бразилия терма жамоаси ихтиёрида жаҳон чемпионатида иштирок этмоқда.