Ҳимоячи Жон Стоунснинг вакиллари унинг хизматларини «Интер» клубига таклиф қилишди. Бу ҳақда Football Italia нашри хабар бермоқда.

32 ёшли англиялик ҳимоячи «Манчестер Сити» билан шартномаси якунланганидан сўнг эркин агентга айланди. У «шаҳарликлар» сафида деярли 10 йил давомида тўп сурган эди. Ҳозирда унинг агентлари А Сериядан фаол равишда янги вариантлар қидиришмоқда.

Жон Стоунснинг улкан тажрибасига (АПЛда 257 та ўйин ва Чемпионлар лигасида 62 та баҳс) қарамай, «Интер» раҳбарияти англиялик футболчи билан шартнома имзолашга шошилмаяпти. Стоунс маош борасидаги талабларини камайтиришга тайёр (у аввал йилига 10 миллион евро оларди), бироқ у яна бир мавсумга узайтириш ҳуқуқи билан 2 йиллик шартнома тузишни талаб қилмоқда. Бундай шартлар эса потенциал харидорларни қониқтирмаяпти.

Аввалроқ тажрибали ҳимоячининг хизматлари «Наполи» ва «Ювентус» клубларига ҳам таклиф қилинган эди, аммо бу клубларнинг бирортаси ҳозирча музокараларда олдинга силжимади.