«РБ Лейпциг» клуби 21 ёшли вингер Антонио Нуса учун камида 60 миллион евро олмоқчи, деб хабар беради Sky Germany нашри.

Норвегиялик ярим ҳимоячига аллақачон «Бавария», «Ювентус», «Ньюкасл», «Тоттенхэм» ва «Кристал Пэлас» каби клублар қизиқиш кўрсатмоқда.

Аслида «Лейпциг» футболчини ўз сафида сақлаб қолишни афзал кўради. Шунга қарамай, молиявий сабабларга кўра, клуб катта эҳтимол билан ўз етакчиларидан бирини йирик суммага сотишига тўғри келади. Гап Нуса, Усман Диоманде ёки Кастелло Лукеба ҳақида кетаётган бўлиши мумкин.

Нуса 2024 йилда «Брюгге»дан «Лейпциг»га 21 миллион евро эвазига ўтган эди, унинг Германия клуби билан шартномаси 2029 йилгача мўлжалланган.

Ортда қолган мавсумда у Бундеслигада 31 та ўйинда майдонга тушиб, 4 та гол урди ва 3 та голли узатмани амалга оширди.

Жаҳон чемпионатида ҳам у ажралиб туришга улгурди — Норвегия терма жамоаси сафида Кот-д’Ивуарга қарши кечган 1/16 финал баҳсида (2:1) гол муаллифига айланди.