Ярим ҳимоячи Кефрен Тюрам шу ёзда «Ювентус»ни тарк этиши мумкин.

Журналист Алфредо Педулянинг берган маълумотларига кўра, Турин клуби ёзги трансфер ойнасида француз футболчиси билан хайрлашишга тайёр. «Ювентус» ўз хавбекининг сотувидан тахминан 45 миллион евро (плюс бонуслар) ишлаб олмоқчи.

Кефрен Тюрам 2024 йилда «Ницца»дан «Ювентус»га 20 миллион евро эвазига ўтган эди. Унинг шартномаси 2029 йилнинг 30 июнига қадар мўлжалланган. Ярим ҳимоячи 2025/26 йилги мавсумда туринликлар сафида барча турнирларда 45 та ўйинда майдонга тушиб, 4 та гол урди ва 5 та голли узатмани амалга оширди. Transfermarkt портали Тюрамнинг трансфер қийматини 38 миллион еврога баҳоламоқда.