Португалия терма жамоаси ҳимоячиси Нуну Мендеш 2026 йилги Жаҳон чемпионатида ўз позициясидаги ҳар қандай бошқа футболчига қараганда кўпроқ хавфли голли вазиятлар яратди, деб хабар бермоқда Squawka. Ҳозирда футболчи ҳисобида ўтказилган ўйинларда яратилган тўртта голли вазият мавжуд.
Эслатиб ўтамиз, Мендеш жорий мундиалда ўз терма жамоасига гол ҳам тақдим этган. Гуруҳ босқичи 2-туридан ўрин олган Ўзбекистонга қарши баҳсда (5:0) у учрашувнинг 17-дақиқасида жарима зарбасини тўғридан-тўғри дарвозага йўллаб, гол муаллифига айланган эди.
Португалия 2026 йилги футбол бўйича Жаҳон чемпионатининг 1/8 финалига йўл олди. Жамоа 6 июль куни «Эй-Ти-энд-Ти» стадионида (Арлингтон, Техас, АҚШ) Испанияга қарши майдонга тушади. Учрашув Тошкент вақти билан соат 00:00 да бошланади.
