Мексика терма жамоаси футболчилари блогер Stevewilldoit томонидан совға қилинган қимматбаҳо Rolex соатларини қабул қилишдан бош тортди. Бу ҳақда The Athletic хабар берди.

Маълум қилинишича, ЖЧ-2026 1/16 финалида Эквадорга қарши (2:0) ўйиндан олдин блогер мексикаликлар йиғинига ташриф буюрган. У футболчиларга нархи 30 мингдан 90 минг АҚШ долларигача бўлган Rolex соатларини совға қилган. Совғаларнинг умумий қиймати тахминан 1 миллион долларга тенг бўлган.

Stevewilldoit бу совғани ўзи аввал Мексикада яшаганлиги, шунингдек, терма жамоанинг 1/8 финалга чиқишига 2 миллион доллар тиккани сабабли тақдим этганини айтган.

Бироқ Мексика терма жамоаси футболчилари соатларни қайтаришга қарор қилди.

ФИФА қоидаларига кўра, футболчилар ўйин натижасига таъсир кўрсатиши мумкин бўлган қимматбаҳо совғаларни қабул қила олмайди. Мазкур талабни бузганларга жарима солиниши, шунингдек, икки йилгача футболдан четлатиш жазоси қўлланилиши мумкин.