Англия терма жамоаси ЖЧ-2026 нимчорак финалида Мексикани драматик тарзда 3:2 ҳисобида мағлуб этиб, чорак финалга йўл олди.

Бироқ учрашувдан кейинги қувончли лаҳзалар кутилмаган ҳодиса билан якунланди.

Ярим ҳимоячи Жордан Хендерсон мазкур баҳсда иштирок этмаган бўлса-да, финал ҳуштагидан кейин мухлислар билан биргаликда ғалабани нишонлаш учун майдонга чиқди.

Эмоцияларга бой нишонлаш жараёнида Хендерсон реклама тўсиғидан сакраб ўтишга уринди, аммо ерга ноқулай йиқилиб, жароҳат олди.

Шундан сўнг майдонга дарҳол тиббий гуруҳ кириб келди. Англия футболчилари шифокорлар етиб келгунга қадар жамоадоши атрофида доира ҳосил қилиб туришди.

Охир-оқибат Хендерсонни замбилда майдондан олиб чиқишга тўғри келди.

Ҳозирча унинг қандай жароҳат олгани ҳақида расмий маълумот берилмаган.