Франция футбол ассоциацияси Лион шаҳрини Евро-2020 мезбонлиги учун номзодлар рўйҳатига қўшди. Бу ҳақда ФИФА расмий сайти хабар бермоқда.
Эслатиб ўтамиз, мусобақа биринчи маротаба Европанинг 13та шаҳри бўйлаб ўтказилади, фақат ярим финал ва финал ўйинларигина бир ҳудудда бўлиб ўтади.
Қайд этиш жоиз, Лион Евро-2016 мезбонлари орасида ҳам бор. Айнан шу турнир учун шаҳардаги "Лион Гранд Стад" ўйингоҳи қайта таъмирланади. Стадион сиғими 58 минг бўлиб, қайта қуриш ишлари 2015/2016 йиллар мавсумидан бошланади.
Аввалроқ мезбонлик учун Украина, Беларус ва Польша футбол федерациялари ҳам ўз номзодларини таклиф этгани ҳақида хабар берилганди.
