Англия ва Мексика терма жамоалари ЖЧ-2026 1/8 финали доирасида воқеаларга бой учрашув ўтказишди.

Учрашувнинг 60-дақиқасида Харри Кейн пенальтини аниқ амалга ошириб, инглизларнинг устунлигини мустаҳкамлади — 3:1. Кўп ўтмай, «Уч шерлар» сардори майдонда салбий қаҳрамонга айланди: айнан у ўз жарима майдончаси ичида қўполлик ишлатиб, мексикаликларга ҳисобдаги фарқни қисқартириш имконини берди — Рауль Хименес нуқтадан адашмади (3:2).

Opta маълумотларига кўра, ЖЧ тарихида статистика йиғила бошланган даврдан (1966 йилдан) буён илк бор битта ўйинчи бир учрашувнинг ўзида ҳам рақиб дарвозасига пенальти урган, ҳам ўз дарвозасига пенальти «олиб келган» ҳолат кузатилди.

Бундан ҳам аввалроқ, 54-дақиқада Англия Жарелл Куансанинг четлатилиши сабабли бир киши кам бўлиб қолган эди.