«Барселона»нинг испаниялик ярим ҳимоячиси Дани Ольмо Мадриднинг «Реал» клубини каталонияликларга қарши қаттиқ позицияси ҳақида гапирди.

«Реал»нинг «Барселона»даги вазиятни беқарорлаштиришга ҳаракат қилаётгани нормал ҳолат. Биз икки йилдан бери Испанияда доминантлик қиляпмиз. Биз бор эътиборимизни фақат ўзимизга ва ғалаба қозонишда давом этишга қаратганмиз. «Реал» кучлироқ бўлишга ҳаракат қилмоқда, лекин биз ҳам йилдан-йилга кучайиб боряпмиз», — дея Ольмонинг сўзларини келтиради Barça Universal.

«Барселона» — Испаниянинг амалдаги чемпиони. Ўтган мавсумда Ханс-Дитер Флик шогирдлари 38 турда 94 очко жамғариб, «Реал»ни саккиз очкога ортда қолдиришди.