«Комо» клуби Бельгиянинг «Юнион Сен-Жиллуаз» жамоаси ҳимоячиси Анан Халаили трансфери бўйича расмий таклиф киритди. Бу ҳақда журналист Саша Тавольери хабар бермоқда.
Манбанинг берган маълумотларига кўра, «Интер» ҳамон 21 ёшли футболчи учун асосий даъвогар бўлиб турибди. Футболчининг ўзи ҳам миланликлар вакиллари билан мулоқотдан сўнг айнан ушбу клубга ўтишни афзал кўришини билдирган. Бироқ Бельгия томони билан ҳали якуний келишувга эришилганича йўқ.
Вазиятдан фойдаланган «Комо» трансферга аралашишга ҳаракат қилди ва футболчини кейинчалик 27 миллион еврога мажбурий сотиб олиш шарти билан ижарага олиш вариантини таклиф этди. «Юнион Сен-Жиллуаз» эса ўз футболчисини 30 миллион еврога баҳоламоқда.
