Мадриднинг «Реал» клуби «Бавария»нинг француз вингери Майкл Олисени сотиб олиш истагидан воз кечгани йўқ.

Журналист Экрем Конурнинг хабар беришича, «Реал» Олисени 270 миллион евро эвазига сотиб олиш имкониятларини ўрганмоқда. «Қаймоқранглилар» кафолатланган маблағ сифатида 222,3 миллион евро таклиф қилиб, қолган суммани бонуслар кўринишида тўламоқчи.

Ваҳоланки, бундан олдин «Бавария» жорий трансфер ойнасида Олисени сотиш нияти йўқлигини аниқ ва равшан билдирган эди.

Якунланган клуб мавсумида 24 ёшли Олисе барча турнирларда 52 та учрашувда майдонга тушиб, рақиблар дарвозасини 22 бор ишғол қилди ва 31 та голли узатмага муаллифлик қилди.

Ҳозир бўлиб ўтаётган Жаҳон чемпионатида эса Олисе барча 5 та ўйинда қатнашиб, ўз ҳисобига 6 та голли пас ёздириб қўйишга улгурди.