"ПСЖ" ярим ҳимоячиси Ли Кан Иннинг шу ёзда жамоани тарк этиш эҳтимоли жуда юқори.
Инсайдер Николо Скиранинг берган маълумотларига кўра, кореялик футболчи Мадриднинг «Атлетико» клубига ўтади. «Матрасчилар» хавбек билан 2031 йилнинг 30 июнига қадар мўлжалланган шартномани аллақачон келишиб бўлишган. Энди томонлар футболчининг трансфер суммаси борасида ўзаро келишувга эришишлари лозим.
2025/26 йилги мавсумда ярим ҳимоячи Париж клуби сафида барча турнирларда 39 та ўйинда майдонга тушиб, тўртта гол урди ва бешта голли узатмани амалга оширди. Transfermarkt портали Ли Кан Иннинг трансфер қийматини 28 миллион еврога баҳоламоқда.
