Ҳужумчи Пауло Дибаланинг фаолиятини «Рома»да давом эттириш эҳтимоли жуда юқори.

Инсайдер Николо Скиранинг берган маълумотларига кўра, яқин кунларда аргентиналик футболчи Рим клуби билан янги шартнома имзолаши керак. Келишув 2027 йилнинг 30 июнига қадар мўлжалланади (шартномани яна бир мавсумга узайтириш имконияти билан). Форварднинг маоши ҳар бир мавсум учун икки ярим миллион еврони (плюс бонуслар) ташкил этади.

Пауло Дибала 2022 йилда «Ювентус»дан «Рома»га эркин агент мақомида ўтган эди. Унинг Рим клуби билан амалдаги шартномаси 1 июль куни якунига етди. 2025/26 йилги мавсумда ҳужумчи клуб миқёсида барча турнирларда 27 та учрашувда майдонга тушиб, 3 та гол урди ва 8 та голли узатмани амалга оширди.