Португалиялик мутахассис Карлуш Кейруш ижтимоий тармоқлардаги саҳифасида баёнот бериб, Гана миллий терма жамоаси бош мураббийи лавозимини тарк этганини маълум қилди.
«Мен бу саёҳатни эришган ютуқларимиздан фахрланган ҳолда, шунингдек, доимо кўпроғини истайдиганлар учун соғлом қониқмаслик ҳисси билан якунлаяпман», — деб ёзди Кейруш ўз постида.
Эслатиб ўтамиз, Гана терма жамоаси Жаҳон чемпионатида гуруҳ босқичидан муваффақиятли ўтиб, 1/16 финалда Колумбияга минимал 0:1 ҳисобида имкониятни бой берган эди.
Карлуш Кейруш Гана терма жамоасини шу йилнинг апрель ойи ўрталаридан буён бошқариб келаётганди. Аввалроқ ушбу мутахассис бир қатор мамлакатлар, хусусан, Уммон, Қатар, Эрон, Миср, Колумбия ва Португалия миллий терма жамоаларида ҳам фаолият юритган.
