«Наполи»нинг 33 ёшли бельгиялик ҳужумчиси Ромелу Лукаку ёзги трансфер ойнасида жамоани тарк этиши мумкин.
Журналист Николо Скиранинг хабар беришича, агар Неаполь клубига футболчи учун 10 миллион евро таклиф қилинса, уни қўйиб юборади. Айни дамда ҳужумчига Туркиянинг икки гранд клуби — «Фенербахче» ва «Бешиктош» қизиқиш билдирмоқда.
Манбага кўра, Лукаку Италия топ-клубида мавсумига 8 миллион евро маош олади. Футболчининг амалдаги шартномаси келаси ёзда якунига етади.
Якунланган мавсумда Лукаку барча мусобақаларда бор-йўғи 7 та ўйинда майдонга тушди ва 1 та гол урди. Ҳужумчи мавсумнинг катта қисмини жароҳат туфайли ўтказиб юборишга мажбур бўлди.
