Аргентина терма жамоасининг собиқ ҳужумчиси Серхио Агуэро ЖЧ-2026да Бразилия мусобақани тарк этганидан кейин Неймарни қўллаб-қувватлади.

Агуэронинг айтишича, у 1/8 финалда Норвегияга қарши учрашувда Неймарнинг гол урганидан самимий хурсанд бўлган. Бу икки терма жамоа ўртасидаги азалий рақобатга қарамай шундай бўлган.

«Ҳа, мен ҳам хурсанд бўлдим. Неймарнинг гол урганидан қувондим. Ростини айтсам, у фаолияти давомида қилган ишлари ва эришган ютуқларини ҳисобга олсак, бундай футболчиларнинг майдонга тушиб, ўзини кўрсатиши ҳамиша ёқимли.

Албатта, Неймарнинг бизга нисбатан доимо ҳурмат билан муносабатда бўлгани ҳам бунда муҳим ўрин тутди. У ҳар доим хотиржам ва барчага ҳурмат билан муносабат қиларди. Биз 2019 йилги Америка кубоги ярим финалида Бразилияга ютқазганимиздан кейин ҳам у ҳар биримиз олдимизга келиб саломлашган эди. Ўзи финалда мағлуб бўлганидан кейин ҳам худди шундай йўл тутди. У ҳақиқатан ҳам ажойиб инсон», — деди Агуэро.

Эслатиб ўтамиз, Неймар Норвегияга қарши учрашувда ягона голини пенальтидан урди. Бироқ Бразилия 1:2 ҳисобида мағлуб бўлиб, жаҳон чемпионати билан хайрлашди.

Финал ҳуштагидан сўнг 34 ёшли ҳужумчи Бразилия терма жамоасидаги фаолиятини якунлаганини маълум қилди.