Бельгия терма жамоаси АҚШ устидан йирик (4:1) ҳисобда ғалаба қозониб, Жаҳон чемпионатининг чорак финалига йўл олди. «Қизил иблислар» Шарль де Кетеларенинг дубли, шунингдек, Ханс Ванакен ва Ромелу Лукакунинг биттадан киритган голлари эвазига турнирнинг сўнгги мезбонини мусобақадан чиқариб юборишди. Чорак финалда Руди Гарсия жамоаси Испания терма жамоаси билан тўқнаш келади. Испанлар учрашув сўнгида Микель Мерино томонидан киритилган гол эвазига Португалияни минимал (1:0) ҳисобда мағлуб этган эди.
Ҳозирда чорак финалнинг тўртта жуфтлигидан учтаси аниқ бўлиб улгурган:
-
Франция – Марокаш (9 июль, Тошкент вақти билан соат 23:00)
-
Испания – Бельгия (10 июль, Тошкент вақти билан 11 июлга ўтар кечаси соат 00:00)
-
Норвегия – Англия (12 июля, Тошкент вақти билан соат 02:00)
1/4 финалнинг сўнгги учрашувида эса бўлажак Аргентина — Миср ва Швейцария — Колумбия баҳслари ғолиблари ўзаро куч синашади.
