«Порту» клубининг 29 ёшли вингери Пепе Акино Италия А Сериясига кўчиб ўтиши мумкин. Бу ҳақда таниқли инсайдер Николо Скира хабар бермоқда.

Манба берган маълумотларга кўра, «Рома» бразилиялик футболчига қизиқиш билдирган ва ҳатто воситачилар билан дастлабки музокараларни ўтказиб улгурган. Музокаралар ижобий якунлангани қайд этилган.

Якунланган мавсумда Пепе барча турнирларни инобатга олган ҳолда 48 та ўйинда майдонга тушди, рақиблар дарвозасини 4 бор ишғол қилди ва 6 та голли узатмага муаллифлик қилди.

Пепенинг «Порту» билан амалдаги шартномаси 2028 йилнинг ўрталарига қадар мўлжалланган. «Transfermarkt» портали мутахассислари ўйинчининг трансфер баҳосини 17 миллион еврога баҳолашмоқда.