«Portu» klubining 29 yoshli vingeri Pepe Akino Italiya A Seriyasiga ko‘chib o‘tishi mumkin. Bu haqda taniqli insayder Nikolo Skira xabar bermoqda.

Manba bergan ma’lumotlarga ko‘ra, «Roma» braziliyalik futbolchiga qiziqish bildirgan va hatto vositachilar bilan dastlabki muzokaralarni o‘tkazib ulgurgan. Muzokaralar ijobiy yakunlangani qayd etilgan.

Yakunlangan mavsumda Pepe barcha turnirlarni inobatga olgan holda 48 ta o‘yinda maydonga tushdi, raqiblar darvozasini 4 bor ishg‘ol qildi va 6 ta golli uzatmaga mualliflik qildi.

Pepening «Portu» bilan amaldagi shartnomasi 2028 yilning o‘rtalariga qadar mo‘ljallangan. «Transfermarkt» portali mutaxassislari o‘yinchining transfer bahosini 17 million yevroga baholashmoqda.