Жаҳон чемпионати — 2026 нинг 1/8 финал учрашувида Испания терма жамоаси Португалия устидан 1:0 ҳисобида ғалаба қозонди. Ягона гол муаллифи ҳакам томонидан қўшиб берилган вақтда ажралиб турган ярим ҳимоячи Микель Мерино бўлди.
Учрашув якунланганидан сўнг «қизил фурия» бош мураббийи Луис де ла Фуэнте вингер Ламин Ямалнинг ўйинига баҳо берди.
«У фаолиятидаги энг яхши ўйинларидан бирини ўтказди. Бу унинг ўсиши учун муҳим палладир. Ламин рақиблар қалбига қўрқув солди. Бу йигитнинг олдинда қиладиган ишлари ҳали кўп. У ўз ўйинини янада мукаммаллаштиришда давом этиши керак», — деди мутахассис матбуот анжуманида.
Чорак финалда Испания Бельгияга қарши майдонга тушади. Ўйин 10 июль куни бўлиб ўтади.
