Испания терма жамоаси қанот ҳимоячиси Марк Кукурелья ЖЧ-2026 1/8 финал учрашувидан сўнг португалиялик ҳужумчи Криштиану Роналдунинг буюклиги ҳақидаги фикрлари билан ўртоқлашди.
«Роналду — футбол афсонаси ва кўпчиликнинг кумири. Унга қарши майдонга тушганингда, бу сенга қўшимча мотивация беради. Болалигимда унинг ўйинларини телевизор орқали томоша қилардим, энди эса Жаҳон чемпионатида унга қарши тўп сурдим», - дея испан латералининг сўзларини келтиради AS.
«Қизил фурия» Португалияни 1:0 ҳисобида мағлуб этиб, чорак финалга йўл олди. Луис де ла Фуэнте шогирдлари нуфузли турнирдаги навбатдаги ўйинни 10 июль куни Бельгия терма жамоасига қарши ўтказади.
