Дилшод Нуралиев бош мураббийлигидаги Ўзбекистон U-17 ўсмирлар терма жамоаси 12-24 сентябрь кунлари Дукентда ўзининг навбатдаги ўқув-машғулот йиғинини ўтказади.

Ўсмирлар ўртасидаги (U-17) жаҳон чемпионатига тайёргарлик кўраётган Ўзбекистон U-17 ўсмирлар терма жамоаси 12 сентябрь куни Дукентда навбатдаги йиғинини бошлади. Мазкур йиғин давомида, Ўзбекистон ўсмирлар терма жамоаси (U-17) учта назорат учрашувини ўтказиши режалаштирилган. Дилшод Нуралиев Дукентдаги йиғинга жами 23 нафар футболчини терма жамоа сафига жалб этган.

Таъкидлаш жоиз, Ўзбекистон U-17 ўсмирлар терма жамоаси 3-9 сентябрь кунлари Австрияда йиғин ўтказган ва йиғин давомида мезбон - Австрия U-17 ўсмирлар терма жамоасига қарши иккита назорат учрашувида майдонга тушган эди. Нуралиев шогирдлари 5 сентябрь куни бўлиб ўтган Австрия ўсмирларига қарши илк ўртоқлик ўйинида 1:1 ҳисобида дуранг ўйнаган бўлса, 7 сентябрь куни ўтказилган иккинчи учрашувда Австрия ўсмирлар терма жамоаси 3:0 ҳисобида ғалаба қозонган.

Эслатиб ўтамиз, Дилшод Нуралиев бош мураббийлигидаги Ўзбекистон U-17 ўсмирлар терма жамоаси шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичида иштитрок этади.

Дарвозабонлар:
Сарвар Каримов («Локомотив»)
Шохжаҳон Эшбўтаев («Янгиер»)
Шохруҳ Раимов («Бунёдкор»)

Ҳимоячилар:
Одил Ҳамробеков («Насаф»)
Рустам Ашурматов (Бунёдкор»)
Иброҳим Абдуллаев («Пахтакор»)
Акром Комилов («Андижон»)
Достон Ҳамдамов («Бунёдкор»)
Жамшид Болтабоев («Пахтакор»-РОЗК)
Ҳумоюн Агзамов («Пахтакор»-РОЗК)
Ойбек Эркинов («Пахтакор»-РОЗК)

Ярим ҳимоячилар:
Равшанбек Ҳурсанов («Пахтакор»-РОЗК)
Иззатилла Абдуллаев («Пахтакор»)
Жавоҳир Сиддиқов («Пахтакор»-РОЗК)
Алишер Мирзаев («Пахтакор»-РОЗК)
Отабек Шукуров («Машъал»)
Санжар Қодирқулов («Бунёдкор»)
Адҳам Аҳмаджонов («Регистон»)
Илҳом Абдуғаниев («Пахтакор»-РОЗК)
Исломбек Каримов («Пахтакор»-РОЗК)

Ҳужумчилар:
Абдулазиз Жўрабоев («Зарафшон»)
Акобир Тўраев («Бухоро»)
Шохжаҳон Аббосов («Машъал»)