Аргентина терма жамоаси жаҳон чемпионатининг 1/8 финал босқичида Мисрга қарши майдонга тушади. Учрашув бугун бўлиб ўтади, баҳснинг бошланиш ҳуштаги Тошкент вақти билан соат 21:00 да чалинади.

Ўйин олдидан «альбиселесте» устози Лионель Скалони журналистлар билан ўз фикрларини ўртоқлашди.

«Биз футболчилар билан Миср терма жамоаси ҳақида бир нечта суҳбатлар ўтказдик. Гап ушбу жамоага қандай қаршилик кўрсатиш ҳақида борди. Биз ўзимизни янги томонлама кўрсатишимизга тўғри келади, чунки бу бошқача рақиб, аммо ўз принципларимиздан воз кеча олмаслигимизни ҳам биламиз. Ўзлигимизча қолишимиз керак.

Вазифамиз — рақибнинг қарши ҳужумларидан қочиш ва ўтган ўйиндаги сценарий такрорланишига йўл қўймасликдир. Кабо-Верде терма жамоаси тезкор ҳужумларда бизга жуда кўп муаммо туғдирди. Биз тўпга эгалик қилган ҳолда ҳимояланишни афзал кўрамиз ва бундан кейин ҳам айнан шундай йўл тутишни режалаштиряпмиз», — дея Скалонининг сўзларидан иқтибос келтиради AlbicelesteTalk.

Эслатиб ўтамиз, Аргентина қўшимча бўлимларда Кабо-Вердени 3:2 ҳисобида мағлуб этган эди. Ғалаба голи 111-дақиқада киритилган.