Швейцария жаҳон чемпионати 1/8 финал учрашувида Колумбияни мағлуб этди — 0:0 (пенальтилар бўйича — 4:3). Ўйин Ванкувердаги «БиСи Плэйс» аренасида бўлиб ўтди.

Асосий вақтда ҳам, 15 дақиқадан бўлган иккита қўшимча бўлимда ҳам жамоалар гол ура олишмади. Пенальтилар сериясида эса швейцариялик футболчилар аниқроқ ҳаракат қилишди. Колумбияликлардан ҳимоячи Давинсон Санчес дарвозага аниқ зарба бера олмади, Хуан Камило Эрнандеснинг зарбасини эса Грегор Кобель қайтарди. Европа жамоасидан ҳимоячи Мануэль Аканжи тўпни дарвоза тўсинидан баландга тепди.

Жаҳон чемпионатининг чорак финалида Швейцария Аргентина билан тўқнаш келади. Учрашув якшанба, 12 июль куни бўлиб ўтади ва Тошкент вақти билан соат 06:00 да бошланади.