ФИФА президенти Жанни Инфантино Парагвай сенатори Селеста Амарилья томонидан ҳақорат қилинган Франция терма жамоаси ҳужумчиси Килиан Мбаппени қўллаб-қувватлади.

ЖЧ-2026 1/8 финалида Франция Мбаппенинг пенальтидан урган голи эвазига Парагвайни мағлуб этганди (1:0). Ўйиндан сўнг Амарилья 27 ёшли футболчини «ўзини француз қилиб кўрсатаётган такаббур ва хунук камерунлик» деб атаган.

«Парагвайлик сенатор Селеста Амарилья томонидан Килиан Мбаппе шаънига айтилган ирқчилик гапларини сўзсиз қоралайман. Футбол олами ва бутун жамият Франция терма жамоаси сардори билан бирдам: биз ирқчиликка қарши курашишимиз ва уни биргаликда йўқ қилишимиз керак. Ушбу жаҳон чемпионати давомида футбол ўзининг қудратли бирлаштирувчи куч эканлигини кўрсатди. Спортимиз ҳамма учун инклюзив ва хавфсиз макон бўлиб қолиши шарт», — деб ёзди Инфантино ижтимоий тармоқдаги саҳифасида.

У, шунингдек, ФИФА футбол ва жамиятдан ирқчиликни бутунлай шеринг қилиш учун курашни давом эттиришини қўшимча қилди.

Мбаппе ирқчилик ҳақоратларига жавобан Амарильяни ўз лавозимига нолойиқ, жирканч аёл деб атади. Кейинчалик Парагвай сенатори футболчини суд билан таҳдид қилди.