Бразилия терма жамоаси афсонаси Кафу миллий жамоанинг ЖЧ-2026 турниридан чиқиб кетганига муносабат билдирди.

Турнирнинг 1/8 финалида бразилияликлар Норвегияга 1:2 ҳисобида имкониятни бой беришди.

«Афсуски, натижа биз кутгандек бўлмади. Бразилия — доимо ҳурмат қилинадиган жамоа, биз жаҳон чемпионларимиз, аммо бу турнирда буюклик кўрсата олмадик — бу факт. Терма жамоа биз умид қилгандан кўра ёмонроқ иштирок этди. Лекин мен доим айтаман: даврлар бошланади, даврлар тугайди ва Бразилия терма жамоасининг 2030 йилги жаҳон чемпионатига тайёргарлик цикли айнан ҳозирдан бошланади», — дея Кафунинг сўзларидан иқтибос келтиради Daily Mail.

У, шунингдек, миллий терма жамоадаги фаолиятидаги сўнгги ўйинини ўтказган Неймарга ҳурмат бажо келтирди.

«Улкан юлдузлар, спортда ва ҳаётда муваффақиятга эришган инсонлар кун келиб кетишади. Ўғиллар ота, оталар бобо, боболар эса катта бобо бўлишади... Авлодлар алмашинуви шундай. Неймар футболда буюк мерос қолдирмоқда. У катта футболчи сифатида кетмоқда ва биз уни соғиниб қоламиз», — деб қўшимча қилди Кафу.