Миср терма жамоаси дарвозабони Мостафа Шобейр ЖЧ-2026 турниридан чиқиб кетганликлари ҳақида фикр билдирди.

Мусобақанинг 1/8 финалида мисрликлар Аргентина терма жамоасига имкониятни бой беришди (2:3). Ваҳоланки, улар 79-дақиқагача 2:0 ҳисобида олдинда боришаётган эди.

«Ғалаба қўлимизда эди. Бизга фақатгина айрим кичик деталлар етишмади. Буни ҳамма кўрди, биз ғалаба қозонишга жуда, жуда яқин эдик, аммо бу шунчаки пешонамизга ёзилмаган экан», — дея Шобейрнинг сўзларидан иқтибос келтиради Reuters.

Дарвозабон, шунингдек, учрашувнинг сўнгги 10 дақиқасида Миср терма жамоаси диққат-эътиборни йўқотганини ҳам таъкидлаб ўтди.