Ярим ҳимоячи Хамес Родригес Колумбия терма жамоаси сафида ўйин ўтказиш бўйича рекордчига айланди. ЖЧ-2026 1/8 финали доирасидаги Швейцарияга қарши учрашув (0:0, пенальтилар бўйича — 3:4) у учун миллий жамоа либосидаги 131-баҳс бўлди.

34 ёшли колумбиялик футболчи бу кўрсаткич бўйича дарвозабон Давид Оспинанинг рекордини такрорлади. Таъкидлаш жоизки, голкипер Колумбия терма жамоасида 2007 йилдан буён, Хамес эса 2011 йилдан бери тўп суриб келади. Шу билан бирга, айни дамда ҳар икки футболчи ҳам эркин агент мақомида бўлиб туришибди, чунки уларнинг клублари билан шартномалари якунига етган.

Колумбия терма жамоаси сафидаги 131 та ўйинда Хамес 31 та гол урди ва 43 та голли узатмани амалга оширди. 2014 йилда у 6 та гол билан жаҳон чемпионатининг энг яхши тўпурарига айланган эди.