Аргентина терма жамоаси ҳужумчиси Хулиан Альварес жаҳон чемпионатининг 1/8 финали доирасида Миср терма жамоаси устидан қозонилган ғалаба (3:2) ҳақида фикр билдирди.
Аргентиналиклар 79-дақиқагача 0:2 ҳисобида мағлуб бўлишаётган эди. Шундан сўнг Кристиан Ромеро Мессининг узатмасидан кейин аргентиналикларнинг ҳисобдаги фарқини қисқартирди. Орадан 4 дақиқа ўтиб, Месси ҳисобни тенглаштирди. 90+2-дақиқада эса Энцо Фернандес томонидан киритилган гол Аргентинага ғалаба келтирди.
«Қувонч ва ҳиссиётлар денгизи. Лео Месси афсона эканлигини исботлашда давом этмоқда, биз эса унинг ёнида эканлигимиздан бахтлимиз», — дея Альвареснинг сўзларидан иқтибос келтиради Аргентина терма жамоаси матбуот хизмати.
