«Монако»нинг қанот ҳужумчиси Магнес Аклиуш «Пари Сен-Жермен»га ўтишга яқин турибди. Аввалроқ Франция чемпиони футболчи билан шахсий шартнома шартларини келишиб олгани хабар қилинганди.

RMC Sport нашрининг таъкидлашича, айни пайтда клублар ўзаро музокара олиб бормоқда. «Монако» жиддий ён беришлар қилиш ниятида эмас. Келишув «ПСЖ»га 50 миллион еврога тушиши кутилмоқда.

Аклиуш — «Монако» тарбияланувчиси ҳисобланади. Якунланган мавсумда 24 ёшли француз барча мусобақаларни инобатга олган ҳолда 43 та ўйинда майдонга тушиб, 7 та гол урди ва ўз ҳисобига 11 та голли узатма ёзиб қўйди.

Transfermarkt маълумотларига кўра, Аклиушнинг бозор қиймати 50 миллион еврони ташкил этади.