Аргентина терма жамоаси посбони Хуан Муссо миллий жамоадаги шериги – 39 ёшли ҳужумчи Лионель Месси ҳақида фикр билдирди.
«Набираларим мендан камтарлик нима эканлигини тушунтириб беришни сўрашса, уларга сен ҳақингда кўп нарсаларни гапириб бераман… Энг буюги», - деб ёзади дарвозабон ижтимоий тармоқлардаги саҳифасида.
ЖЧ-2026 1/8 финал учрашувида Аргентина терма жамоаси Миср термаси устидан 3:2 ҳисобида иродали ғалабага эришди. 39 ёшли Месси ушбу баҳсда битта гол урди ва битта голли узатмани амалга оширди.
Мундиалнинг ярим финалига чиқиш учун «альбиселесте» Колумбияни пенальтилар сериясида мағлуб этган Швейцария жамоасига қарши баҳс олиб боради.
