Лондоннинг «Арсенал» клуби 26 ёшли француз дарвозабони Иллан Мелье билан шартнома имзолашга яқин турибди. Бу ҳақда The Athletic нашри хабар бермоқда.
Манбанинг маълумотларига кўра, яқин вақт ичида «канонирлар» Мельени учинчи дарвозабон ролига таклиф этиш бўйича келишувга эришмоқчи. Айни пайтда у эркин агент ҳисобланади, чунки ёзда охирги олти йил давомида шарафини ҳимоя қилган «Лидс» клубини тарк этган эди.
«Лидс» таркибида Мелье барча турнирларда 215 та ўйинда майдонга тушиб, 286 та гол ўтказиб юборган ва 70 та учрашувда ўз дарвозаси дахлсизлигини сақлаб қолган.
Transfermarkt портали мутахассислари дарвозабоннинг баҳосини 8 миллион еврога баҳолашмоқда.
