Londonning «Arsenal» klubi 26 yoshli fransuz darvozaboni Illan Melye bilan shartnoma imzolashga yaqin turibdi. Bu haqda The Athletic nashri xabar bermoqda.

Manbaning ma’lumotlariga ko‘ra, yaqin vaqt ichida «kanonirlar» Melyeni uchinchi darvozabon roliga taklif etish bo‘yicha kelishuvga erishmoqchi. Ayni paytda u erkin agent hisoblanadi, chunki yozda oxirgi olti yil davomida sharafini himoya qilgan «Lids» klubini tark etgan edi.

«Lids» tarkibida Melye barcha turnirlarda 215 ta o‘yinda maydonga tushib, 286 ta gol o‘tkazib yuborgan va 70 ta uchrashuvda o‘z darvozasi daxlsizligini saqlab qolgan.

Transfermarkt portali mutaxassislari darvozabonning bahosini 8 million yevroga baholashmoqda.