«Лацио» раҳбарияти таркибни янги марказий ҳимоячи билан кучайтирмоқчи. Бунга Марио Хиланинг «Милан»га кутилаётган трансфери сабаб бўлмоқда.

Хиланинг йўқотилиши «Лацио»ни зудлик билан унга ўринбосар излашга мажбур қилмоқда. Римликларнинг бош мақсади — Загребнинг «Динамо» клуби ижарасида бўлган 20 ёшли марказий ҳимоячи Серхи Домингесдир. Охирги вақтларда томонлар ўртасидаги алоқалар қайта тикланди ва «оқ-мовийлар» келишувни қисқа муддат ичида якунлашга умид қилишмоқда. Бу ҳақда tuttomercatoweb.com нашри ёзмоқда.

Ўтган мавсумда Домингес барча турнирларда 41 та ўйинда майдонга тушиб, 2 та гол урди ва 4 та голли узатмани амалга оширди. Transfermarkt портали футболчини 9 млн еврога баҳоламоқда.