Колумбия терма жамоаси ярим ҳимоячиси Жон Ариас ЖЧ-2026дан чиқиб кетганларидан сўнг ўз фикрларини билдирди. 1/8 финал босқичида Жанубий Америка вакиллари Швейцария жамоасига имкониятни бой беришди (0:0, пенальтилар бўйича 3:4).

«Бу жуда оғир зарба бўлди. Бу кун ўзгаришларнинг бошланиши бўлишини истардим. Бизда охиригача етиб бориш учун имкониятлар бор эди. Аммо бу сафар нимадир етишмади. Кейинги тўрт йил ичида керакли тузатишларни киритамиз ва навбатдаги мундиалда бутун йўлни босиб ўтишга ҳаракат қиламиз», - дея ярим ҳимоячининг сўзларини Globo нашри келтирмоқда.

Чорак финалда Швейцария Аргентина терма жамоаси билан тўқнаш келади. Ўйин 12 июль куни бўлиб ўтади.