«Реал»нинг қанот ҳимоячиси Фран Гарсия фаолиятини «Бетис»да давом эттиради. Бу маълумотни нуфузли инсайдер Фабрицио Романо эълон қилди.

Манбанинг хабар беришича, клублар келишув шартларини тўлиқ келишиб олишган. «Бетис» 26 ёшли Гарсияни тўрт миллион евро эвазига сотиб олади, бироқ «Реал» футболчининг келажакдаги сотувидан 50% улуш олади. Ўйинчининг тиббий кўрикдан ўтиши аллақачон режалаштирилган.

2025/26 йилги мавсумда Гарсия барча мусобақаларда 23 та учрашувда майдонга тушиб, битта гол урди ва битта голли узатмани амалга оширди.

Transfermarkt интернет-портали маълумотларига кўра, «Реал» тарбияланувчисининг бозор қиймати ўн миллион еврони ташкил этади.