Бразилиялик ҳимоячи Ян Коуто Дортмунднинг «Боруссия» клубидан Италиянинг «Комо» жамоасига ўтишга яқин турибди. Бу ҳақда журналист Жанлука ди Марцио хабар бермоқда.
Манбанинг маълумотига кўра, А Серия вакили 24 ёшли футболчини 20 миллион евро эвазига сотиб олиш ҳуқуқи билан ижарага олмоқчи. Трансферни расмийлаштириш якуний босқичда турибди.
Германия Бундеслигасининг ўтган мавсумида Коуто Дортмунд жамоаси сафида 19 та ўйинда майдонга тушди. Ҳимоячи ўз ҳисобига иккита гол ва иккита голли узатма ёзиб қўйди. Унинг ҳисобида тўртта сариқ карточка бор.
«Комо» А Серия турнир жадвалида тўртинчи ўринни эгаллади.
