Жароҳатидан тикланган Мадриднинг «Реал» клуби ярим ҳимоячиси Асьер Ильяраменде 15 сентябр куни «Вильяреал»га қарши баҳсда жамоа таркибидаги илк учрашувини ўтказиши мумкин.
Футболчи бир неча марта такрорий жароҳатлар сабаб мавсумолди тайёргарлик ва расмий ўйинларда майдонга тушмаган эди. Лекин клуб докторлари унинг мамлакат чемпионати навбатдаги турида майдонга тушиши мумкинлигини маълум қилишди.
Шуни ҳам таъкидлаш жоизки, «сариқсувостикемаси»га қарши ўйинни жароҳат сабаб Марсело ва Коэнтраолар ўтказиб юборишади.
Хабарингиз бор, Ильяраменде ёзги трансфер ойнаси вақтида «Реал Сосьедат» жамоасидан харид қилинган эди.
