«Сантос» ҳужумчиси Неймар 2026 йилги жаҳон чемпионати якунланганидан сўнг клубдан бир неча кунлик таътил олди. Футболчи оиласи билан АҚШда қолмоқда ва унинг жамоа ихтиёрига қайтиши ҳали келишилмаган. Globo нашри хабарига кўра, ўйинчи таътилда камида 10 кун бўлиши кутилмоқда.
Манба маълумотига кўра, «Сантос» 34 ёшли форвард ва унинг вакиллари билан музокаралар ўтказмоқчи, бироқ учрашув санаси ҳали белгиланмаган. Клуб Неймарнинг Бразилия терма жамоаси турнирдан чиқиб кетганидан сўнг тикланишини кутмоқда. Бу турнир унинг фаолиятидаги сўнгги жаҳон чемпионати бўлди. Аввалроқ футболчининг отаси ижтимоий тармоқларда ўғлини фаолиятини якунламасликка чақирганди.
Бразилия 1/8 финалда Норвегияга имкониятни бой бериб, турнирни тарк этди. Неймар мусобақада иккита ўйинда майдонга тушиб, битта гол урди.
