Англия терма жамоаси ярим ҳимоячиси Жордан Хендерсон жарроҳлик амалиётини ўтказди. Футболчи ижтимоий тармоқлардаги саҳифасига шифохонада, шифокорлар қуршовида тушган суратини жойлаштирди.
"Операция муваффақиятли якунланди! Энди шанба кунги муҳим ўйинга тайёргарликни бошлаймиз. Менга ғамхўрлик қилган клиниканинг бутун жамоасига, айниқса, операцияни ўтказган уч нафар жарроҳга ўз миннатдорчилигимни билдираман...", — деб ёзди Хендерсон.
Эслатиб ўтамиз, Жордан Хендерсон билак суягидан олган жароҳатини футбол майдонида эмас, балки ғалабани нишонлаш вақтида реклама баннеридан ошиб ўтаётиб, йиқилиб тушиши оқибатида орттириб олган эди.
Англия терма жамоаси Жаҳон чемпионатининг чорак финалида Норвегияга қарши баҳс олиб боради.
