Angliya terma jamoasi yarim himoyachisi Jordan Xenderson jarrohlik amaliyotini o‘tkazdi. Futbolchi ijtimoiy tarmoqlardagi sahifasiga shifoxonada, shifokorlar qurshovida tushgan suratini joylashtirdi.
"Operasiya muvaffaqiyatli yakunlandi! Endi shanba kungi muhim o‘yinga tayyorgarlikni boshlaymiz. Menga g‘amxo‘rlik qilgan klinikaning butun jamoasiga, ayniqsa, operasiyani o‘tkazgan uch nafar jarrohga o‘z minnatdorchiligimni bildiraman...", — deb yozdi Xenderson.
Eslatib o‘tamiz, Jordan Xenderson bilak suyagidan olgan jarohatini futbol maydonida emas, balki g‘alabani nishonlash vaqtida reklama banneridan oshib o‘tayotib, yiqilib tushishi oqibatida orttirib olgan edi.
Angliya terma jamoasi Jahon chempionatining chorak finalida Norvegiyaga qarshi bahs olib boradi.
