Лондоннинг "Тоттенхэм" клуби ҳимоячиси Раду Дрэгушин "Фиорентина" сафига ўтди. Руминиялик футболчи "бинафшаранглилар" таркибида кейинги сотиб олиш мажбурияти билан ижара асосида ўйнайди.
Дрэгушин "Тоттенхэм"да икки ярим йил фаолият юритди. У ўтган йили "шпорлар" билан Европа Лигасида зафар қучган эди. Руминиялик ҳимоячи барча турнирларда жами 48 та учрашувда майдонга тушди.
Шунингдек, Дрэгушин Руминия терма жамоаси ўйинчиси ҳисобланади. У ўз мамлакати шарафини 30 та ўйинда ҳимоя қилган.
"Бинафшаранглилар" ўтган мавсум якунида Италия чемпионатида А Сериядан тушиб кетиш хавфидан қутулиб қолишга муваффақ бўлди. Флоренция клуби 42 очко тўплаб, якуний жадвалда 14-ўринни эгаллади.
